فكرة مزيل العرق

موضوع: فكرة مزيل العرق الأحد يونيو 28, 2009 3:33 am

الحمد
لله رب العالمين ، وأشهد أن لا إله إلا الله ولى الصالحين، وصلى الله وسلم
وبارك على نبينا محمد ، وعلى آله وأصحابه وأجمعين أما بعد..

انا عارف يا جماعة ان الموضوع ده مهم لينا كلنا فكرة مزيل العرق Biggrin

ما علينا المهم
مزيل العرق اللى فى السوق نوعين:
1- مزيل للعرق antiperspirant
2-مزيل لرائحة العرق deodorant
حد فاهم حاجة؟
يعنى واحد بيخلى العرق أصلا ما يطلعش / أو يقلل كميته يعنى..
والتانى بيسيبه يطلع بس يقضى على الريحة نفسها!

طيب.. ايه أصلا اللى بيخلى ريحة العرق كريهة؟!

فى معلومة لازم نعرفها الأول وهى:
ان العرق يا حبايبى بيخرج من غدتين أساسيتين :
1- إكراين:
eccrine gland
ودى بتبقى:
أ- موجودة عند الإنسان من أول ولادته.
ب- موجودة فى كل حتة فى الجسم.
جـ- مسؤولة عن : تظبيط درجة حرارة الجسم.
د- 99% من إفرازها عبارة عن: مياه !! وبالتالى طبعا مش هى اللى بتعمل الرائحة الكريهة!
لأن المياه مالهاش ريحة -إلا عندنا فى مصر طبعا.. ما شربتش من نيلها؟!-
أمال الرائحة الكريهة دى بتيجى منين؟ من الغدة التانية وهى:
2- أبو كراين
apocrine gland
أهو أبوكراين ده هو أبو الريحة الكريهة بتاعت العرق فكرة مزيل العرق Smile

بس فى معلومة مهمة جدااا : ان مش العرق اللى بيفرز من الأبوكراين هو اللى ريحته وحشة!
أمال ايه؟
ده العرق ده فيه مواد معينة .. البكتريا بتحللها بإنزيم اسمه (لايبيز lypase) فتنتج مواد رائحتها كريهة!!
فهمتوا حاجة؟!
((العملية دى بتزيد خصوصًا مع وجود الشعر اللى بيسبب تراكم العرق وكمان تراكم البكتريا..))
طيب ايه هى بقى غدة الأبوكراين دى وإمتى بتفرز العرق بتاعها؟!
أ- لا تنمو هذه الغدة إلا عند البلوغ .. عشان كده الأطفال عرقهم مالهوش ريحة!
ب-موجودة فى أماكن معينة فى الجسم مش زى الإكراين فى كل الجسم!
جـ-تفرز مادة لبنية milky substance
د- تفرز العرق فى حالات معينة التى يكون فيها ضغط أو مؤثرات عاطفية مثل الغضب، الخوف ، الفرح.. وهكذا

طيب مزيلات العرق بقى بتشتغل ازاى؟؟

صلوا على النبى

باختصار:
1- مزيل العرق antiperspirant
ده له تأثير فسيولوجى بيخليه يكون مادة زى الـ"جيل gel" المادة دى بتسد الغدة العرقية فالعرق ما يعرفش يطلع أصلا
2-مزيل رائحة العرق deodorant
ده بيشتغل بطريقتين:
الطريقة الأولى:
انه يقتل البكتريا اللى بتعمل الريحة antibacterial
الطريقة التانية:
انه يسيب البكتريا بس يحط ريحة تانية تغطى الريحة الكريهة زى بيرفيوم

بس كده..!!

اضافه اخيره النوع الاول من المزيل اللى بيمنع خروج العرق دا مش مستحب لانه بيبقى مسرطن مع مرور الوقت و قرأت انه بيبقى عامل من عوامل سرطان الثدى حفظكم الله

يعنى ناخد بالنا من المزيل اللى بنشتريه لازم يكون مكتوب عليه deodorant

ده باختصار أهم المعلومات اللى محتاجين نعرفها عن ... "مزيل العرق"
جزاكم الله خيرا
والحمد لله رب العالمين فكرة مزيل العرق Smile

بجد كلام حلو
وحجات اول مره ااعرفها
تسلم ايدك

بجد كلام هايل جدا
ومعلومات قيمه ومفيده
تسلم ايدك

معلومات جميلة اوى وبجد اول مرة اعرفها
ومنكم نستفيد
تسلم ايدك

الدكتور احمد الشناوى نور المنتدى

تسلم يا دكتور على المعلوماااااااااااااات

شكرا يا شباب على مروركم الجميل دا

بجد نورتونى و نورتوا التوبيك

من اول sweet love لغايه سمسم باشا

تحياتى لجميع

تسلم يا مااان